Entertainment  | Mutimedia | Educational
Welcome
Login / Register

ገጠመኝ

በ1970ዎቹ አጋማሽ አካባቢ ደብረ ዘይት (ቢሾፍቱ) ከተማ ውስጥ በሥራ ምክንያት ኗሪ ነበርኩ፡፡ በሦስት ዓመታት ቆይታዬ ዘወትር ዓርብ ምሽት አዲስ አበባ መጥቼ የሳምንቱን መጨረሻ ቤተሰቦቼ ዘንድ ካረፍኩ በኋላ እሑድ አመሻሽ

ላይ ተመልሼ ደብረ ዘይት እሄዳለሁ፡፡ አንዳንድ ጉዳዮች ካልገጠሙኝ በስተቀር ይህ ምልልስ ለሦስት ዓመታት የተመለደ ነበር፡፡ በዚህ ወቅት በህሊናዬ ውስጥ ዛሬም ድረስ የማይጠፋው ለገሃር አውቶብስ ተራ አጠገብ የሚገኘው ‹‹ለገሃር ሚኒ›› ነው፡፡ ወንድሞቼና እህቶቼ ሊሸኙኝ ሲመጡ ለገሃር ሚኒ ጎራ ብለን ተወዳጁን በርገርና ጁስ እንገባበዝ ነበር፡፡ ያውም እጅግ ርካሽ በሚባል ዋጋ፡፡ ለገሃር ሚኒ ናዝሬት (አዳማ) እና ደብረ ዘይት (ቢሾፍቱ) የሚሄዱ ወይም ከዚያ የሚመጡ ሰዎች የሚቀጣጠሩበት ደስ የሚል ቦታ ነበር፡፡ የጁሱና የበርገሩ ጣዕም አሁንም አይረሳኝም፡፡

ለገሃር ሚኒ ሲታወስ ባለቤቱ ወ/ሮ አበበች መታፈሪያ ፈፅሞ አይዘነጉም፡፡ የአምቦ ተወላጅ የሆኑትን ወ/ሮ አበበችና ለገሃር ሚኒን የሚያስታውስ አጋጣሚ ሰሞኑን ስለተከሰተ ለዚህ ገጠመኝ ዓምድ ልኬዋለሁ፡፡ ወ/ሮ አበበች እጅግ በጣም በርካቶች በትዝታ ማኅደራቸው ውስጥ የሚያኖሩትን ለገሃር ሚኒ አቋቁመው እጅግ አስመስጋኝ የሆነ አገልግሎት ሲሰጡ ቆይተዋል፡፡ እኚህ ታታሪ ሴት ለሥራ የተፈጠሩ በመሆናቸው እዚህ አዲስ አበባ ካዛንቺስ ሱፐር ማርኬት በሚባለው አካባቢ ውብ ሕንፃ ገንብተዋል፡፡ በትውልድ ከተማቸው አምቦ ደግሞ በስማቸው የሆቴል ሕንፃ ገንብተው አገልግሎት እየሰጡበት ነው፡፡ ለአምቦ ከተማ ጌጥ የሆነውን ይህንን ሆቴል ገንብተው ለከተማው እንግዶች ማረፊያና መስተንግዶ ከማመቻቸታቸውም በላይ ለበርካቶች የሥራ ዕድል ፈጥረዋል፡፡

ሰሞኑን ግን በአካባቢው በተነሳው ብጥብጥ በሆቴላቸው ላይ ከፍተኛ የሆነ ጉዳት ከመድረሱም በላይ ከፍተኛ የሆነ ዝርፊያ ተፈጽሞበታል፡፡ የውጭ ቱሪስቶችን ይዘው የመጡ ብዛት ያላቸው ተሽከርካሪዎች ተቃጥለዋል፡፡ የሆቴሉ ንብረቶች ተዘርፈዋል፡፡ ‹‹አምቦ የሰላምና የፍቅር አምባ›› በምትባለዋ ከተማ፡፡ በሆቴሉ የመኪና ማቆሚያ ቦታ የቆሙ በርካታ ተሽከርካሪዎች ተቃጥለው ለሚያይ ሰው አካባቢው ጦርነት የተካሄደበት ቦታ ይመስላል፡፡ የሆቴሉ ሦስት የተለያዩ ክፍሎች ወድመዋል፡፡ የሕንፃው መስተዋቶች  ረግፈዋል፡፡ በሆቴሉ ውስጥ የሚገኙ ዕቃዎች በአብዛኛው ተዘርፈዋል ማለት ይቻላል፡፡ አካባቢውን በሚገባ ተዟዙሬ እንዳየሁት ለተቃውሞ አደባባይ የወጡ የሁለተኛ ደረጃና የዩኒቨርሲቲ ተማሪዎችን ጥያቄ ከለላ በማድረግ በአበበች መታፈሪያ ሆቴልም ሆነ በሌሎች ተቋማትና ተሽከርካሪዎች ላይ የደረሰው ውድመት ከወረበላነት በላይ ነበር፡፡ በበኩሌ መብት ወይም ሌላ ጥያቄ ያለው ማንኛውም ወገን ጥያቄውን ለሚመለከተው አካል በሰላማዊ መንገድ ማቅረብ እንደሚገባው አምናለሁ፡፡ ነገር ግን በኃይል እንዲህ ያለ ተግባር መፈጸም ፖለቲካዊ ወይም ሌላ ጥያቄ ሳይሆን ሽብር ነው፡፡ በአምቦ ከተማ በበርካታ ባለንብረቶች ላይ ጉዳት ደርሷል፡፡ ይህ ጉዳት እጅግ የሚያሳዝን ነው፡፡ ፍርድ ቤት ሳይቀር ወድሟል፡፡

Read More

Post your comment

Comments

Be the first to comment

Related Articles

  • Billboard Music Awards
    Billboard Music Awards
    Nicki Minaj arrives for the 2014 Billboard Music Awards at the MGM Grand Garden Arena on May 18, 2014, in Las Vegas, Nevad...
  • How to Be a Good Wife
    How to Be a Good Wife
    Being a good wife is not easy, even if you have a near-perfect husband. To be a good wife, you have to be able to communic...
  • How to Spend Money Wisely
    How to Spend Money Wisely
    Do you hate it when you really need money, but your wallet is empty? No matter how little or how much money you have, spen...
  • How to Love Your Job
    How to Love Your Job
    If you are feeling the stress of your job, or just not loving it any more, then it is time to make a change. This does not...
RSS